RSSના વડાએ ફરી એકવાર હિન્દુ એકતા પર ભાર મૂક્યો

RSSના વડાએ ફરી એકવાર હિન્દુ એકતા પર ભાર મૂક્યો

Blog Article

હિન્દુ રાષ્ટ્રવાદી સંગઠન રાષ્ટ્રીય સ્વયંસેવક સંઘ (RSS)ના વડા મોહન ભાગવતે રવિવારે હિન્દુ સમાજને એકજૂથ કરવાના મહત્વ પર ભાર મૂકીને જણાવ્યું હતું કે હિન્દુ સમાજ દેશનો એક જવાબદાર સમાજ છે અને તે માને છે કે એકતામાં જ વિવિધતાનો સમાવેશ થાય છે. સારા સમયમાં પણ પડકારો ઊભા થશે. પડકારો કેવા છે તે મહત્ત્વનું નથી, પરંતુ આપણે તેનો સામનો કરવા માટે કેટલા તૈયાર છીએ તે મહત્વનું છે.

કલકત્તા હાઈકોર્ટની મંજૂરી પછી પશ્ચિમ બંગાળના બર્ધમાનના SAI ગ્રાઉન્ડ ખાતે યોજાયેલા આરએસએસના એક કાર્યક્રમને સંબોધતા તેમણે જણાવ્યું હતું કે લોકો વારંવાર પૂછે છે કે અમે માત્ર હિન્દુ સમાજ પર જ કેમ ધ્યાન કેન્દ્રિત કરીએ છીએ અને મારો જવાબ છે કે દેશનો જવાબદાર સમાજ હિન્દુ સમાજ છે. સંઘથી અજાણ છે, તેઓ વારંવાર સવાલ કરે છે કે સંઘ શું ઈચ્છે છે. જો મારે જવાબ આપવો હોત, તો હું કહીશ કે સંઘ હિન્દુ સમાજને સંગઠિત કરવા માંગે છે કારણ કે તે દેશનો જવાબદાર સમાજ છે.

વિશ્વની વિવિધતાને સ્વીકારવાના મહત્વ પર પણ ભાર મૂકતાં તેમણે જણાવ્યું હતું કે ભારતવર્ષ માત્ર ભૌગોલિક વિસ્તાર નથી, જે ભારતનો એક સ્વભાવ છે. કેટલાક લોકો આ મૂલ્યો અનુસાર જીવી શક્યા નહીં અને એક અલગ દેશની રચના કરી હતી. પરંતુ સ્વાભાવિક રીતે જેઓ અહીં રહ્યાં તેઓ ઇચ્છતાં હતાં કે ભારતનો મૂળ સાર ટકી રહે અને આ સાર શું છે? તે 15 ઓગસ્ટ, 1947 કરતાં ઘણો જૂનો છે. તે હિંદુ સમાજ છે, જે વિશ્વની વિવિધતાને સ્વીકારીને વિકાસ પામે છે. આ પ્રકૃતિ વિશ્વની વિવિધતાને સ્વીકારે છે. આ એક શાશ્વત સત્ય છે, જે ક્યારેય બદલાતું નથી.

તેમણે ભારપૂર્વક જણાવ્યું કે હિંદુ સમાજનો પાયો વિવિધતાને સ્વીકારવાની તેની ક્ષમતા પર આધારિત છે. ભારતમાં કોઈ સમ્રાટો અને મહારાજાઓને યાદ કરતું નથી, પરંતુ એક એવા રાજાને યાદ કરે છે, જેમણે પિતાનું વચન પૂરું કરવા 14 વર્ષનો વનવાસ ભોગવ્યો હતો. લોકો એવા વ્યક્તિને પણ યાદ કરે છે કે જેમણે પોતાના ભાઈની પાદુકાને સિંહાસન પર રાખીને પોતાના ભાઇનું રાજ્ય પરત કર્યું હતું. આ વિશેષતા ભારતને વ્યાખ્યાયિત કરે છે. જે લોકો આ મૂલ્યોનું પાલન કરે છે, તેઓ હિંદુ છે અને તેઓ સમગ્ર દેશની વિવિધતાને એકતા બાંધી રાખે છે.